Adelheid Ortner

Mama, was soll i da dazähln? Du liegst in da Stubm, schön unter an Blütenmeer, friedlich und erlöst liegsch in da Truchn, i hon mas schun ungschaut das i des sagn kun. Mia vasuachn alls richtig und in deinem Sinn zu machn, aber i bin ma sicha du würdest was finden was nit passt: De Kinda de kloan miassatn a bissl leisa sein, geah schaugs das de nit so schrein.....Raumts des Spielzuig au vor der Tiar, iatz kemmen nochant de Leit zum Betn.....Seits a wiag still in da Kuchl, man heart alles eina in de Stubm..... Aber Mama...es isch egal. Es werd niama so sein. Lass ins des letzte mal aso zsammkemmen, es tut so guat, weil no bische da. Nit zum greifn, aber du bisch oanfach no da, in da Truchn, in da Stube...Heit des Letzte mal...Mama, es isch nit leicht. Iatz konn is vastian, wenns hoast ja, es war holt de Mama.... Mama, obwohl de letztn Tog nit so leicht warn und morgen werds noamol schwarer, oans sollsche wissn, mir hobm alls mitanond vasuacht damit ma des hinkriagn, so wia du des wolltescht. Mama, dank, oanfach lei danke, und kimm guat af de andere Seite ...... Rosina